近日食飯時與朋友談天，說到標記同口號的傳播，能振奮人心，譬如黃色雨傘、絲帶、學生相、彩虹色撐同志嘅標記。收窄少少，中學學界逢有陸運水運，各校為誓師打氣，都會設計一幅一幅banner，然後在社交平台宣傳，換頭像，香港來說應該只有Facebook同Instagram係最多人用，Blog無人玩、Twitter無人用、微博更加唔使講。
我話，母校師兄弟對校歸屬感強，每一個banner設計，不論畢業老鬼還是Current student，都會有一堆人一齊轉頭像。
講到此，朋友話鋒一轉，問我是否覺得Facebook讚好同生日祝福太虛偽。同一張頭像，竟然click like n次，同一個人，對每個貼都like，就係所謂太多讚好撚，對人不對事。
儘管我不太愛Facebook，時勢所逼，不用的話，就會被視為異類，難以與新朋友埋堆。日久，我慢慢覺得Facebook入面的Like有兩大用：一是追蹤，收藏；二是德行，代表一個人的存在感，正如以前玩yahoo! blog，每一篇貼文，有Blog友留言討論，正常人當然開心，因為有人討論、留言，證明你的寫作、你的貼文有人看過，有人關注。當然一個人有多受關注，其為人高調低調、貼文質素高低、內容吸引與否，都係關鍵。
現在Facebook有所謂讚好撚，以前Blog沒有「讚好」，只有留言，其實都有類似讚好撚的用家，就係例如閒時去Blog友處留言傾偈吹水，每篇貼文都慣性留言，不論與文無關。
朋友講到FB入面Like的作用，其實每人不同，無標準答案，正如Whatsapp表情符號一樣。我話，現時我覺得Like係德行，一種對對方支持的手法，正如以前我的Blog友閒時來留言、每篇貼文都留言一樣，此乃禮尚往來，分別只不過FB中係現實中認識。
佢直言，某幾個FB朋友為討好人，每個post都like，好煩。
該日傾完偈後，我有興趣不如做一個小調查，就係同一張圖，有多少人讚好。
結果呢，幾好笑。
沒有留言:
張貼留言