Holland moon暱號回憶

Holland moon暱號回憶

ｍｓｎ執了，ｙ！ｂｌｏｇ都執了，卻突然有想用番ｂｌｏｇ諗法，重新登入自己ｈｏｌｌａｎｄ　ｍｏｏｎ的帳號，勾起左些少回憶．．．

記得自己當初申請ｈｏｔｍａｉｌ，玩ｍｓｎ，用ｈｏｌｌａｎｄ　ｍｏｏｎ呢個有「好撚悶」既音做名稱，係因為自己放緊假，當時悶到至極，跟住就用ｈｏｌｌａｎｄ　ｍｏｏｎ做暱稱，用慣了，打機、網名、申請新ｍａｉｌ等等好多時都用呢個暱稱。

提到ｈｏｌｌａｎｄ，就係「好撚」，「撚」字係時下人差唔多個個都發錯音，在上學期的文字學堂中，我自己為左彰顯己識攞平時分，用「撚」字做ｎ音例子用過好多次，讀法應係nan2，n音而唔係l音，而且「撚」字古雅常用，撚，係用手指搓之意思。

如李清照《訴衷情》：「更挼殘蕊 更撚餘香 更得些時」、白居易〈琵琶行〉「低眉信手續續彈，說盡心中無限事。輕攏慢撚抹復挑，初為霓裳後六么。」不過呢處「撚」字應讀nin2。
《說文解字》：撚，執也。从手然聲。一曰蹂也。乃殄切。廣韵曰。撚者，以手撚物也。

起初用ｈｏｌｌａｎｄ　ｍｏｏｎ呢個暱稱至今，唔經唔覺，七年矣！